سنتين يا خال
فاتوا علينا
ماسمعناش صوتك
ولا حد خبط
على باب دارنا
بيقولوا يا خال
بهية حزنانة
عشان
ماحدش لها
من بعدك غنّى
والواد عبد الرحمان
لسه بيدور على بهية
وازيها فاطنة
وحراجي القط
واهو عدى النهار
وراه
سنين وأيام
ولسه يا خال
القلب خايف
كلام الناس
وسيرة الهلالي
على كل لسان
صدقت يا خال
لما قلت
إن جالك الموت
موت على طول
وازود عليك يا خال
موت بسرعة
من غير سؤال..***
في الذكرى الثانية لرحيل الخال الأبنودي
ليست هناك تعليقات:
إرسال تعليق