قلبي مش دفتر ورق
*****************
علي غير معاد
رغم الوجع رغم البعاد
طلت عليه بحسنها
طالبه الوداد
ووقالت كلام عن حبنا
وعن ذكريات أنا عشتها
راجعالي نادمه ع الفراق
تفتكري قلبي راح يحن
تفتكري هايبطل يئن
أنا قلبي مش دفتر ورق
نكتب ونمسح محتواه
و نرجع نعيد
شوفي كده باين أثر
من جرح لساه ما اندمل
راجعه تعيدي الذكريات
راجعه تصحي اللي اندفن
معقوله مش عارفه أكيد
أنا قلبي ميت من سنين
مقفول عليه جدران حديد
وقانون طوارئ من جديد
أنا قلبي مش دفتر ورق
هاتقطعه ونرجع ندون
من جديد
الوقت فات ياحب ميت
من زمن. ميت أكيد
---------
ياكل حكام العرب
مات الملك
ومفيش وزير هايعيش
لاكتر من كده
والدنيا دي أخرتها موت
عارفين كده ولا انتوا
عايشين للأبد
يا كل أصنام العرب
جاكم جرب
اتعلموا
اتكلموا
كفايه موتوا الشعوب
من جهلكم
من صمتكم
ملعون أبوها الأنظمه
اللي تموت شعبها
علشان تعيش
مات الملك
أحمد شتا
ليست هناك تعليقات:
إرسال تعليق